प्रशांती फिल्म फॅस्टिव्हल
मनोशोभा कलाघराच्या 'खण खण काणकॉण' हे कार्यावळींत जातलो प्रशांती सिनेमा महोत्सव.
आंतरराश्ट्रीय सिनेमा महोत्सवांत 'आंसेसांव' ह्या कोंकणी लघुपटांतल्या अभिनयाखातीर इनाम जोडपी पयलें गोंयकार कलाकार प्रशांती तळपणकारान भुमिका केल्ल्या चार वेंचीक सिनेमांचो हो महोत्सव. ह्या चारूय सिनेमांक राज्य, राश्ट्रीय, आंतरराश्ट्रीय पावंड्यांवेले पुरस्कार फावो जाल्यात. तेतूंत पुराय लांबयेचे तीन कोंकणी सिनेमा (Feature Films) आसात, जाल्यार एक लघुपट (Short Film).
ह्या सिनेमांच्या चित्रिकरणा उपरांत तेंचेर उक्ती भासाभास जातली. तेन्ना ह्या सिनेमाचे दिग्दर्शक, निर्माते, तंत्रज्ञ कलाकार वा भुमिका केल्ले कलाकारूय हाजीर आसतले.
गोंयांत निर्माण जाल्ले कांय वेंचीक उत्कृश्ट सिनेमा पळयतनाच तांचेफाटल्यान वावुरपी मानेस्त तंत्रज्ञ आनी कलाकारांवांगडा भासाभास करपाची ही संद सोडनाकात.
हे चारूय सिनेमा वेगवेगळ्या दिग्दर्शकांनी दिग्दर्शीत केल्यात.
आमोरीः दिनेश भोंसले
बागा बीचः लक्ष्मीकांत शेटगांवकार
जुझेः मिरांशा नायक
आंसेसांवः मांगिरीश बांदोडकार
